Косовскиот премиер Курти на седница на Владата меѓу другото посочи и дека по документацијата за учеството на потпретседателот на Српската листа, Милан Радоичиќ, во нападот во Бањска, докажано е дека оживувањето на политичкиот плурализам е од витално значење за Србите на Косово. На седницата, владата донесе одлука за доделување финансиска поддршка од 50 илјади евра за семејството на загинатиот полицаец Буњаку.
Ова е само дел од редакцискиот избор на ЦИВИЛ Медиа, од албанските медиуми во регионот за денешното издание на АЛ-ПРЕС.
КОСОВО
Коха -Курти: Оживувањето на политичкиот плурализам меѓу косовските Срби е од витално значење
Косовскиот премиер Албин Курти на седницата на Владата на Косово изјави дека неделниот напад во Бањска сведочи за опасноста, целта и потенцијалот на српските криминални и терористички групи на север.
Тој рече и дека нападот ја покажува потребата од поголема меѓународна соработка во заштитата и контролата на границата со Србија.
А со тоа и потребата од отворено казнување со јасен и специфичен јазик и барања кои меѓународната заедница ги упатува до Србија“, рече Курти.
Тој рече дека по документацијата за учеството на потпретседателот на Српската листа, Милан Радоичиќ, во нападот во Бањска, докажано е дека оживувањето на политичкиот плурализам е од витално значење за Србите на Косово, пренесува Коха.
Зери: Владата додели 50.000 евра за семејството на загинатиот полицаец Африм Буњаку
„Владата на Косово денеска додели 50.000 евра за семејството на херојот Африм Буњаку, кој загина на должност.
Премиерот Курти рече дека оваа сума е наменета за помош на семејството на полицаецот. Во меѓувреме, по предлогот за распределба на финансиските средства, министерот за финансии Хекуран Мурати рече дека Владата секогаш ќе биде блиску до семејството Буњаку.“, пренесе Зери.
Сури: Завршени се проверките во куќите и зградите во Ѕвечанското село Бањска
Косовската полиција ги заврши рациите на куќите и објектите во и околу селото Бањска во Звечан, два дена по вооружените судири со група луѓе, каде што беа убиени еден полицаец и тројца осомничени напаѓачи.
Заменик-директорот на полицијата за северен регион, Ветон Елшани за Радио Слободна Европа изјави дека ова село ќе продолжи да биде опколено до најмалку 09 часот на 27 септември, кога се очекува надлежните да одлучат како ќе постапат, пренесе Сури.
Балкан Веб: Организатор на нападот на косовската полиција, кој е Милан Радоичиќ, потпретседател на Српската листа
Санкциониран во Соединетите Американски Држави, баран во Косово, додека во Белград е познат како најсилниот бранител на Србите на северот на Косово. Ова е профилот на Милан Радоичиќ, Србин роден во Ѓаковица, моментално потпретседател на Српската листа, кој косовските власти го обвинуваат дека е организатор и учесник во нападот на 24 септември во Бањска, каде беше убиен полицаецот Африм Буњаку.
Покрај тоа што е деловен човек, Милан Радоичиќ низ годините наметнува и политички профил. Тој беше избран за потпретседател на Српската листа неколку месеци по убиството на српскиот политичар од Косово, Оливер Ивановиќ, во 2018 година. Радоичиќ е обвинет дека има вмешаност во ова убиство, но овие сомнежи не се докажани на суд .Во декември 2021 година, Министерството за финансии на САД ги санкционираше Милан Радоичиќ и неговиот деловен партнер Звонко Веселиновиќ. Тие двајца, заедно со уште 10 лица, се обвинети од САД дека се водачи на организирана криминална група која се занимава со шверц на оружје, корупција на службеници и илегална трговија со стоки, пари и наркотици меѓу Косово и Србија, пренесува Балкан Веб.
АЛБАНИЈА
ДВ: Берлински процес – ЕУ: Со нов план за интеграција и економски раст на БП
„На форумот на министри за економија „Заеднички регионален пазар – чекор кон единствениот пазар на ЕУ“ што се одржа во вторник, (26.09) во Тирана, во рамките на Берлинскиот процес, зајакнување на економиите на земјите од регионот преку вклучување во економската сфера на ЕУ. Дискусиите го истакнаа новиот геополитички контекст за забрзување на регионалната интеграција и зближување со ЕУ.“, пренесе ДВ.
КОЛУМНА
ИНА: Комитите на „Батоните“
„Внимателно!
Комитите на батоните веќе ја започнаа медиумската кампања со цел Србија да не се гледа како премногу виновна за терористичкиот напад и Вучиќ да не изгледа лошо пред Западот.
Затоа, во дебати, на портали и на социјалните мрежи се истражува обидот да се најдат неуспеси и грешки на Косово за тамошната интервенција и истовремено се релативизира и камуфлира директната улога на Вучиќ.
Не станувајте плен на вестите што се градат врз основа на информации од српската БИА, уредени на албански јазик од оние што сите ги знаете.
Не ги ни слушајте оние кои за 10 години разговори веќе ја зацврстија позицијата на Србија и нејзината диверзантска улога над Косово. Тие имаат други грижи.“, пишува авторот Незир Краки во колумната „Комитите на „Батоните“, објавена во ИНА.
Подготви: Д. Тахири / Цивил Медиа