Албумот „People, Hell & Angels” со необјавени песни на Џими Хендрикс кој беше објавен минатата недела, се најде на второто место на листата на „Билборд“ на топ 200 албуми. Во првата недела од објавувањето албумот е продаден во тираж од 72.000.
На овој албум се и неколку музички соработка со музичари како Били Кокс и Бади Мајлс пред создавањето на групата „Band Of Gypsies“ и смртта на Хендрикс во 1970 година. На една од песните свири и Стивен Стилс од групата „Buffalo Springfield“.
Рекордно високата позиција на постхумниот албум на Хендрикс обезбеди одлична продажба на физички формати особено ЦД-та, а во дигиталната продажба на iTunes, албумот го зазеде петтото место.
Досега, по смртта на славниот гитарист беа објавени неколку албуми, како ” First Rays of The New Rising Sun” (1997), кој беше обид да се реконструира плочата на која Хендрикс работел во 1970. година. Тој албум стигна до 49. место во САД и на 37. место во Англија. Последниот постхумен албум на Хендрикс “Valelys of Neptune” се појави во 2010 година.