Ансамблот на Македонскиот балет вечерва премиерно ќе ја изведе балетската претстава „Александар III Македонски“ во кореографија на Роналд Савковиќ од Хрватска на музиката и либрето на композиторот Љубомир Бранѓолица.
Синопсисот обработува приказна за големиот војсководец, неговите походи и лични дилеми. Дејството започнува во современо доба во Музеј на антиката каде кустосот ги оживува античките ликови кои почнуваат да ја раскажуваат својата историја. Александар се присетува на својата фаланга и на неговиот голем пријател Хефастион. Споменот на неговиот татко Филип предизвикува вознемиреност кај него, а потсетувањето на неговата љубов Роксана го смирува.
Ова е прво балетско дело од македонски автори кое ќе се изведе на сцената на МОБ, по балетот „Охридска робинка – Ташула“ во 2004 година.
Во претставата учествуваат ансамблот и оркестарот на МОБ со кој ќе диригира Борјан Цанев. Главната улога на Александар ја игра Васил Чичијашвили, а улогата на Роксана, неговата љубовница, ја интерпретира Александра Мијалкова. Во улога на Олимпија ќе настапи Ивана Коцевска.
Со премиерата на овој балет се затвораат 36. Денови на Македонската музика