Научно-наставниот совет на Универзитет за аудиовизуелни уметности ЕСРА Париз-Скопје-Њујорк, донесе одлука да го прогласи за почесен доктор еден од најголемите театарски уметници во Бугарија, Европа и пошироко, тетарскиот режисер Александар Морфов.
-Неговите легендарни претстави во Националниот театар во Софија, неговиот ангажман како уметнички директор, работата во Русија, неговото исклучителна приврзаност за театарскиот живот во Македонија, присуството во театрите и театарските фестивали ширум целиот свет, како и неговиот личен естетски хоризонт ќе бидат пример за идните генерации на млади уметници, не само од нашиот Универзитет, туку и за сите млади визионери кои сонуваат да го освојат театарскиот Олимп, велат од ЕСРА
Церемонијата на прогласување за почесен доктор на науки, со беседа на Ректорот Јордан Плевнеш, во присуство на голем број интернационални гости, ќе се одржи на 12 февруари, со почеток во 12.00 часот, во Кинотека на Македонија и со тој симболички чин името на Александар Морфов ќе биде запишано веднаш до имињата на Маноел Де Оливеира, Јиржи Менцел, Шарл Азнавур, Боро Драшковиќ, Мики Манојловиќ, Жан-Клод Кариер, Абдулах Сидран и Слободан Шнајдер.
-Морфов ќе биде првиот театарски режисер прогласен за Doctor Honoris Causa на нашиот Универзитет, што воедно претставува и гест на препознавање на неговата неверојатна личност, но во исто време и препознавање на значењето на современиот бугарски театар и неговите претставници од почетокот на 20. век, па се до денес и нивното ехо во Европа и во светот, соопштуваат од ЕСРА.