Специјализираната кинеската компанија за онлајн тргување „Алибаба“ потпиша договор со Интернационалниот олимписки комитет (ИОК) според кој ќе биде главен спонзор на шесте Олимпијади до 2028 година.
Финансиски детаљи за соработата не се објавени, но извори во ИОК укажуваат дека секоја компанија со статус на главен спонзор на Олимписки игри мора да издвои околу 100 милиони долари за еден четиригодишен циклус. „Алибаба“ на овој начин застана рамо до рамо со 12 мултифункционални компании кои се најголеми спонзори на Игрите како „Мекдоналдс“, „Кока-Кола“ и „Виза“.
Ова е втора спонзорска зделка на ИОК со компанија од Кина по онаа со „Леново“, производител на компјутери, за летните Олимписки игри во Пекинг во 2008 година. Како една од причините за влез на „Алибаба“ во семејството на поддржувачи на Олимпијадите е фактот што наредните три ќе се одржат на азискиот континент (зимска во 2018 во Пјонгчанг – Јужна Кореја; летна во 2020 година во Токио – Јапонија; зимска во 2022 година во Пекинг – Кина).
Извори во ИОК објавија дека е продолжена соработка и со досегашните партнери „Бриџстон“ и „Панасоник“ за нови четири години и најмалку 200 милиони долари.
„Ова е иновативен сојуз што ќе ни биде од помош за поефикасна организација на Олимписките игри до 2028 година“, изјави претседателот на ИОК, Томас Бах.
Компанијата „Алибаба“ е основата во 1999 година од кинескиот бизнис магнат Џек Ма.