Марсел Хиршер го осигура кристалниот глобус во слалом на трка до крајот на сезоната во најтехничката дисциплина во алпско скијање. Австриецот беше одличен во денешните изданија во Крањска Гора каде го освои првото место со 1,22 секунди подобро вкупно време од Хенрик Кристоферсон. За место на подиумот се избори и Швајцарецот Рамон Ценхојсерн (+1,61 сек.). Олимпискиот првак од Пјонгчанг заврши на 24 позиција иако по првото возење беше трет со 99 стотинки послабо време од победникот.
За Хиршер ова е петти слаломски глобус во последните шест години. Четири има легендарниот Италијанец Алберто Томба, а рекордер е Ингемар Стенмарк со осум титули.
Австрискиот скијач воедно ја прослави седмата победа во дисциплината во десетте победи во оваа сезона колку што имаат Стенмарк од сезоната 1976/77, Марк Џирардели од сезоната 1984/85 и Алберто Томба од сезоната 1994/95.
Алпско скијање (м)/Крањска Гора/ слалом
Марсел Хиршер (Австрија) 1:49,22 минути
Хенрик Кристоферсен (Норвешка) 1:50,44 минути
Рамон Ценхојсерн (Швајцарија) 1:50,83 минути
Клемен Ноел (Франција) 1:51,14 минути
Себастијан Фос Солеваг (Норвешка) 1:51,35 минути
Марк Роша (Швајцарија) 1:51,56 минути
Манфред Мелг (Италија) 1:51,73 минути
Сандро Симоне (Швајцарија) 1:51,89 минути
Виктор Муфа-Жанде (Франција) 1:51,99 минути
Стефано Грос (Италија) 1:52,13 минути, итн.
Генерален пласман во слалом
Марсел Хиршер (Австрија) 874 бода
Хенрик Кристоферсен (Норвешка) 710
Андре Мирер (Шведска) 460
Михаел Мат (Австрија) 388
Даниел Јуле (Швајцарија) 370
Рамон Ценхојсерн (Швајцарија) 326
Лука Аерни (Швајцарија) 305
Себастијан Фос Солеваг (Норвешка) 297
Стефано Грос (Италија) 274
Манфред Мелг (Италија) 244, итн.
Генерален пласман во Светскиот куп
Марсел Хиршер (Австрија) 1.494 бода
Хенрик Кристоферсен (Норвешка) 1.205
Аксел Лунд Свиндал (Норвешка) 716
Алексис Пинтуро (Франција) 687
Кјетил Јансруд (Норвешка) 665
Беат Фојц (Швајцарија) 636
Андре Мирер (Шведска) 522
Матијас Маер (Австрија) 502
Доминик Парис (Италија) 466
Мануел Фелер (Австрија) 455, итн.