За роденденот на Боб Дилан, музејот во Ворчестер САД, на посетителите кои ќе дојдат облечени како славниот музичар ќе им подари уметничко дело. Универзитети, фестивали, локални радија и други институции во САД, најавија специјални програми посветени на бардот Дилан.
Боб Дилан полни 72 години, роден е на 24 мај 1941 година и ако за некого може да се каже дека станал жива легенда – тоа е секако Дилан.
Влијанието на Дилан на рок музиката е огромно. Тој беше првиот музичар кој инсистираше на квалитетот на текстовите на песните и еден од првите кој свиреше фолк рок и кантри рок во шеесеттите и седумдесеттите години на минатиот век
Неговите две спротивставени амбиции отсекогаш биле: да биде успешен поп пејач и да биде сериозно сфатен како уметник. Слична спротивставеност како и неговата фузија на фолк и рок музиката.
Негови бесмртни песни се: „The Times They Are A-Changin”, „Shelter from the Storm”, „Tangled up in Blue”, „Blowin’ in The Wind”, „Like a Rolling Stone”, „Just Like A Woman”, „Sara”, „Lay Lady Lay” и многу други.