Њујорк очекува уште една рекордна снежна бура, по која снежната покривка таму би можела да достигне и 2,5 метри.
Во обилните снежни врнежи низ Америка во изминатите неколку дена, животот го загубија најмалку осум лица а стотици останаа заробени во домовите и по патиштата.
Американските метеоролози предвидуваат дека по снегот, температурите на воздухот би можеле нагло да порастат, што ќе предизвика поплави заради брзото топење на снегот.
Најкритично е во градот Бафало, каде што е прогласена вонредна состојба заради снежната прекривка висока 1,8 метри. Издадени се и забрани за патување, но многу од граѓаните не ги почитуваат и се обидуваат да се пробијат низ завеаните патишта.
„Ова е историски настан. Кога се ова ќе заврши, оваа снежна бура ќе ги урне сите досегашни рекорди“, рече гувернерот на Њујорк Ендрју Куомо.