Германската канцеларка Ангела Меркел ќе се бори за четврти мандат, изјави член на владеачката партија.
„Повторно ќе се трка за канцеларка. Одлучна е, мотивирана и подготвена да придонесе за јакнење на меѓународниот либерален поредок“, изјави Ноберт Роетген, претседателот на одборот за надворешна политика на германскиот парламент.
Меркел, соочена со остри критики поради својата политика на отворени врати и доаѓањето на 900.000 мигранти во 2015 година, претходно рече дека одлуката за новиот мандат е донесена во „соодветно време“.
„Канцеларката е камен темелник за политичкиот концепт на Западот, делувајќи како глобален играч. Ќе се натпреварува и ќе настапи како одговорен лидер“, порача Роетген.
Предлогот да и се намали поддршката на Меркел во можна нова трка за повторен мандат, не помина на конгресот на ЦСУ, баварската сестринска партија на ЦДУ, на почетокот на овој месец.
Германската канцеларка ги повика сонародниците да се заложат Германија да остане отворено друштво и предупреди дека победата на Доналд Трамп на изборите во САД може да ја потпали германската бегалска дебата.