Published: Sunday, June 14, 2020 11:16
Досега преку Развојната банка се доделени 7,13 милиони евра од бескаматната кредитна линија Ковид 2, објави министерката за финансии Нина Ангеловска на својот Фејсбук профил. Средствата, како што наведува таа, се доделени на 593 компании со 10.108 вработени.
„Заедно со Ковид 1 линијата, досега преку бескаматни кредити во износ од 12,67 милиони евра се поддржани 1.331 микро, мали и средни компании во кои работат 16.632 вработени“, пишува Ангеловска.
Вчера на владината седница беа одобрени нови 476 кредити за микро, мали и средни компании во вредност од 5,14 милиони евра од Ковид 2 бескаматните кредити преку Развојна банка на Северна Македонија. Во овие компании работат 7.107 лица.