Анкара: Позитивни сигнали од САД за екстрадицијата на Гулен

Турција денеска соопшти дека добила „позитивни сигнали“ од САД околу барањето за испорачување на имамот Фетула Гулен кого Анкара го обвинува за организирање на минатомесечниот обид за воен удар.

– Почнавме да добиваме позитивни сигнали што се однесува до екстрадицијата на Гулен, изјави турскиот министер за надворешни работи Мевлут Чавушоглу.

Тој додаде дека Анкара подготвува и дополнителни документи кои ќе им ги испрати на Вашингтон во врска со екстрадицијата.

-Сите во светот занаат кој стои зад обидот за пуч, рече Чавушоглу.

Гулен кој живее во егзил во Пенсилванија, ги отфрла обвинувањата на Анкара.