За првпат по 10 години, владејачката СДСМ е во предност пред опозициската ВМРО ДПМНЕ, покажуваат резултатите од анекетата на Телма и МЦМС спроведена од агенцијата М проспект во периодот од 4 до 11 август.
Синоќа во емисијата „Топ тема“, беа објавени неколку прашања од анкетата, меѓу кои и „дали сте задоволни од работата на Владата во првите 100 дена “
Според резултатите, 58,9 отсто од граѓаните одговориле позитивно, 35 отсто одговориле негативно, а 6,2 отсто останале воздржани од одговор.
Анализирано по етничка линија многу поголемо е задоволство кај Албанците, споредено со Македонците. Анализирано и само во македонскиот етнички блок преовладуваат задоволните со 14 процентни поени пред незадоволните.
На прашањето, како граѓаните ги перцепираат претстојните локални избори, 60 проценти од анкетираните сметаат дека тие се само редовни локални избори, додека за 31,3 отсто претстојните избори претставуваат проверка на рејтингот на партиите и евентуален вовед во парламентарни избори.
На прашањето што влијае на изборот личноста или партијата 47,1 отсто од анкетираните одговориле дека за нив е битен кандидатот, неговата личност, образование, искуство и репутација, за 38,1 отсто важен е квалитетот на изборната програма што ќе ја понуди, а само за 9,4 отсто клучна е партиската припадност.
Анкeтата е спроведена телефонски на 1005 исипитаници и е национално репрезентативна.