Државната комисијата за спречување на корупцијата на 24.април годинава донела решение за да уништи архивски материјал од 2002 до 2014 година.
Државниот архив ја примил листата со попис на документите за уништување и дал дозвола за да се уништат.
Ова го пишува во документот за уништувањето на документацијата, а до којшто дојде НОВАТВ додека се изнесуваа материјалите од Комисијата.
Со докуметни се наполнија два автомобили, а по пристигнувањето на екипата на НОВАТВ престанаа да се товарат документи во автомобилите по што дојде возило на компанијата ДС Смит која се занимава со производство на хартија и амбалажа и истата ја презеде, за како што рекоа оттаму, на уништување.
Фотографија: Решение потпишано од Советникот Зоран Трајковски од Државниот Архив со којшто се дава согласност за уништување на документација од Антикорупциската од 2002 до 2014 година.
Голем дел од документацијата се фајлови од случаите коишто ги водела Комисијата против државни функционери.
Камерата на НОВАТВ ги забележа досиејата од големите корупциски случаи кои што никогаш не добија завршница како на пример „Топилница – Велес“ и Случајот со злоупотреба на службената должност од страна на директорот на Јавното претпријатије „Македонски шуми“, Жарко Караџоски.
НОВАТВ се обрати од Комисијата, но тие одбија да одговорат зошто се бара уништување и на документација од поновите години и што содржи пописната листа. Не упатија прашања да им пратиме на емаил.
НОВАТВ во изминатите пет години или непосредно по заминувањето на последниот претседател Илми Селами којшто отвараше случаи на корупција и беше ангажиран во јавноста, нема добиено одговор на ниту еден емаил, а пратени се десетици барања за одговарања прашања.
