По објавата на Агенцијата за филм за кривичната пријава за продуцентската куќа „Банана филм“ на Милчо Манчевски, кој не доставил финансиски извештај за потрошени 55 милиони денари за филмот „Мајки“, медиумите потсетуваат на ланскиот твит на продуцентот Иво Антов.
Имено, Антов вели дека му ја предвидел судбината на Милчо Манчевски кој деновиве доби кривична пријава од Агенцијата за филм.
,,А фино му кажав, плати ми го долгот поштетно, и не плачи пред премиерот за да ми ја поништат тужбата кон тебе, затоа што, кога тогаш, ќе те стигне судбината”, пишува Иво Антов , филмски работник кому Манчевски му останал должен како продуцент на негов филм.
Продуцентот Антов, сопственик на продукцијата која е во мирување, ,,Наше маало”, а денес Здружение на граѓани ,,Наше маало два”, преходно јавно го обвини режисерот Милчо Манчевски дека си исплатил хонорар од милион евра, додека на многу луѓе им останал должен за филмот ,,Сенки”.
,,Во филмов што му го продуцирав, ,,Сенки”, сам на себе си исплати нето хонорар од еден милион евра, должејќи попат на едни чудо луѓе. Кога му реков дека ќе го тужам, рече и дека од шпица ќе ме исфрли. Филмот пропадна, ама тој се искешира јако”, објави лани на Твитер продуцентот.
Како што пишува Експерс.МК, за истиот филм (со буџет од 4,2 милиони евра) Манчевски себе си си исплатил нето хонорар од 1 милион евра, си ги наплатил посебно трошоците за домување во Њујорк и големите трошоци за американски монтажер и студио во Америка иако САД не учествувале во филмот.
По овој случај Манчевски прогласил стечај на фирмата и отворил нова.
Антов по серијата текстови на Цивил Медиа, исто така се огласи со став за начинот на кој Манчевски кај поранешната Влада излобирал Закон со кој тој ќе може да зема вртоглаво високи хонорари.