Published: Wednesday, November 7, 2018 14:28
Казна затвор во траење од две години за гинекологот Николче Дамчевски, одлучи Апелациониот суд Скопје со што ја потврди пресудата на Основниот суд Скопје 1 и донесе построга казна од претходната која беше 1,5 година затвор. Апелација ја потврди и забраната за вршење дејност во траењео од 8 години.
Пресудата е извршна, што значи дека Дмачевски во секој момент може да замине на издржување на казната затвор.
Според пресудата, гинекологот Дамчевски е виновен за тешки дела против здравјето на луѓето и фалсификување исправа. Тој пред пред судот ја призна вината и за двете дела, Несовесно лекување и Фалсификување на медицински документи.
Николче Дамчевски е гинекологот кој девет месеци лажеше пациентка дека е бремена. Тој на пацинтката која долго време се обидувала да остане бремена и презентирал состојба на лажна симулирана бременост и покажувал слики од ЕХО од друго бебе и пуштал да го слуша отчукувањето на срцето на бебето, а всушност и пуштал да го слуша нејзиното срце.
Иако знаел дека не е бремена, вршел редовни контролни гинеколошки прегледи со ехо апарат, ја мерел должина и тежина на плодот, го утврдил полот на бебето, на секој преглед детално ја објаснувал секоја снимка и правел скрининзи со писмени извештаи во кои е наведено дека на ехото се гледа плод во различна гестациска недела, а потоа договорил и термин за пораѓање.
Непосредно пред денот за кога било договорено наводното пораѓање на пациентката, кога таа се појавила со торба подготвена за чинот на раѓање, најпрвин на сопругот , а потоа и на оштетената ја открил вистината за лажната бременост.
Серијалот стории за гинекологот објавени на НОВА, годинава ја доби првата награда за најдобра истражувачка сторија на ЗНМ.