Турската полиција синоќа привела 18 луѓе, меѓу кои и високи полициски службеници, во рамките на истрагата против наводните приврзаници на опозиционерот Фетула Ѓулен.
Според објавените налози за апсење, се работи за 27 полицајци во 13 провинции, а акцијата е фокусирана на Истанбул.
Приватната новинска агенција Доган објави дека главна цел на апсењата се бивши полицајци, некои од нив поранешни шефови.
Акцијата против приврзаниците на Ѓулен започна откако партијата на претседателот Реџеп Таип Ердоган оствари убедлива победа на изборите од 1 ноември. Само минатиот месец уапсени се неколку десетици луѓе во Измир, меѓу кои полицајци и административци, под обвинение дека се дел од „терористичкат група на Ѓулен“.
Инаку Ѓулен е поранешен сојузник на Ердоган, за кого се верува дека има големо влијание во полицијата иа дминистрацијата.