Меѓународната етичка асоцијација на хуманисти објави во својот извештај како за атеистите, хуманистите и луѓето со слободно размислување од целиот свет е широко распространета дискриминацијата. Атеистите во некои земји се сметаат за криминалци, најмногу во оние земји во кои населението е принудено да биде верник.
Меѓу оние кои ја користат смртната казна се Авганистан, Иран, Малдиви, Мавританија, Пакистан, Саудиска Арабија и Судан. Анализа на дискриминација кон атеистите стана и официјален документ кој е доставен до Советот за човекови права на Обединетите нации.
Како што пренесува Слободна Европа, турскиот министер за надворешни работи, Ахмет Давутоглу, изјави пред Советот на ОН дека расте трендот на исламофобија.
“Ние ги осудуваме сите видови на поттикнување верска омраза и дискриминација против муслиманите и луѓето од другите вери, се додека Арапската лига сака обврзувачка меѓународна рамка за да се обезбеди сигурност дека “религијата и нејзините симболи се почитуваат”, рече Давутоглу.
Бангладеш, Бахреин, Египет, Индонезија, Кувајт, Тунис и Турција, исто така, го засилија прогонот на “богохулни” изрази, како и критиката на религијата во социјалните медиуми како што се Фејсбук и Твитер, според Слободна Европа.
Извештајот на Меѓународната етичка асоцијација на хуманисти нагласува дека за три пати се зголемени апсењата за “богохулење на социјалните мрежи”, и се споменува случајот во Индонезија, каде што Александар Аан беше осуден на две и пол години затвор за атеистички мислења на Фејсбук. Филипос Лоизос во Грција на Фејсбук отвори страница каде ги исмејува грчките верувања во чуда и со тоа беше обвинет за навреда на религијата.