Нигериската атлетичарка Блесинг Окагбаре (28) преку ноќ стана хит на интернет. На митингот во Осло, во рамки на Дијамантската лига, доживеа неочекуван момент за себе каков што не памети и спортот. Она што, веројатно, го знаеше само таа и нејзиниот стручен штаб, го дозна и светот.
Окагбаре во Норвешка настапи со перика што ѝ падна при настапот во првата серија (6,21 метри) во скок во далечина и остана во песокот. Нејзината реакција притоа, сепак, беше нормална. Трпеливо причека да биде измерена изведбата по што ја подигна периката и ја врати на себе.
„Никогаш не сум видел вакво нешто. Никогаш. Ова снимка ќе се повторува и ќе се повторува“, рече коментаторот во телевизискиот пренос од митингот.
Окагбаре на крајот го освои седмото место во дисциплината со прескокнати 6,48 метри. Златниот медал го понесе Американката Тијана Бартолета со резултат 6,79 метри.
https://www.youtube.com/watch?v=totq4Op1lpU