Илјадници обожаватели на францускиот рокер Џони Холидеј, чие вистинско име еЖан Фелипе Леа Смета, ги исполнија улиците на Париз додека поворката со ковчегот до црквата Маделин ја следеа 700 моторџии на Харли Дејвисон.
Поворката со ковчегот тргна напладне преку Шанзелизе папреку плоштадот Конкорд до Црквата Маделин.
За време на последното патување на музичарот, учесниците во поворката ги пееја неговите песни. Иако Холидеј не беше претерано популарен во странрство, во Франција имаше десетици илјади фанови. Во 57 години долгата кариера сними 18 платинести албуми, направи 181 турнеја, продаде 110 милиони плочи, што е повеќе од кој било друг пејач со толку долга кариера.
Погребот на Холидеј кого уште го нарекуваа францускиот Елвис стана народен настан, а не национален, како што тоа официјално го нарекоа. Според медиумите поворката ја обезбедувале 1.500 полицајци, а според пишувањето се работи за еден од најголемите погребни обреди од смртта на омилената француска пејачка Едит Пјаф во 1963 година.
На бројните парижани и Французи кои допатуваа од сите делови на земјата, им се приклучија и целата политичка и уметничка елита на Франција.
Покрај неговата вдовица Летиција и нивните две ќерки, на погребот присуствуваа неговата прва сопруга пејачката Силвија Вартан и неговиот син Давид Холидеј, бившата партнерка, актерката Натали Баје со која има и черка Лаура Смет. Меѓу другите беа и бившите француски претседатели Никола Саркози со сопругата Карла Бруни и Франсоа Оланд. Но семејството не и излезе пресрет на екстремно десно ориентираната француска политичарка Мари Ле Пен да биде меѓу 1200 повикани на погребната церемонија во црквата.
Актуелниот претседател Емануел Макрон во говорот пред црквата рече дека Холидеј ги споил генерациите и дека ќе остане во срцата на сите Французи. Го цитираше францускиот писател Виктор Иго велејќи: „Џони беше сила која не запира“.
Обредот во црквата заврши со блуз и аплауз на присутните, негови пријатели и обожаватели. Холидеј ќе биде погребан на карипскиот островото семејство има куќа.