Тотенхем е победник на шестото издание на „Ауди Купот“ во Минхен. Премиерлигашот во финалето, по подобро изведување на пенали, го совлада Баерн со 6:5. Во натпревар за третото место, Реал Мадрид славеше над Фенербахче со 5:3.
По 90. минути игра на „Алијанц арена“ немаше победник (2:2), па ударите од белата точка решаваа за сопственикот на трофеј.
Ерик Ламела во 19. минута и Кристијан Ериксен во 59. минута ги постигнаа головите за премиерлигашот во основниот дел од натпреварот, стрелци, пак, за Баварците беа Јан Фите Арп во 61. минута и Алфонсо Дејвис во 82. минута.
Како сигурни пеналџии за Тотенхем се потврдија Тоби Алдервејрелд, Хари Кејн, Хеунг Мин Сон, Џек Ролс, Оливер Скип и Џапет Танганга во што не успеа и Ериксен во втората серија. За Баварците промашија Давид Алаба во првата серија и Жером Боатенг во последната, а Паоло Газанига во меѓувреме го совладаа Тиаго Алкантара, Томас Милер, Ренато Санчез, Роберт Левандовски, Сарприт Синг.
Тотенхем е трета екипа што триумфира на „Ауди Куп“ на пенали по Атлетико Мадрид во 2017 година и Баерн Минхен во 2009 година. Оттогаш, домаќинот на турнирот победи уште двапати (2013 година и 2015 година), а во 2011 година со трофејот од Минхен замина и Барселона.