Author: Sashko

Министерот за финансии во Владата на Србија, Синиша Мали денеска изјави дека иницијативата „Отворен Балкан“ има за цел значително да го забрза протокот на стоки и услуги, да создаде единствен пазар на труд и подобри деловни услови за компаниите, што неминовно ќе доведе до побрз економски развој и повисок животен стандард на граѓаните на земјите потписнички на договорот во рамките „Отворен Балкан“. На влезната (српска) страна на граничниот премин Прешево – Табановце е поставен знак „Отворен Балкан“ со кој се означува лентата наменета за превозници на компании од Србија, од Северна Македонија и од Албанија со статус на овластен деловен…

Албанија ќе се придружи на земјите во кои канабисот е легализиран за медицински цели. Тоа го најави премиерот Еди Рама при презентација на резултатите од електронски спроведената национална консултација на која на повеќе прашања одговараа албанските граѓани во и надвор од замјата. Според резултатите на анкетата во која учестрвувале над пола милион граѓани, 60 отсто се изјасниле позитивно за легализација на канабисот за медицински цели, додека 29 отсто биле против. „Ќе го легализираме канабисот за медицинска употреба, што значи отворање на нови работни фронтови, со цел економски раст. Тоа што го кажаа граѓаните ќе се направи“, рече Рама. Албанија, според…

Албанија ќе побара да биде одвоена од Севена Македонија во процесот на преговори за членство во Европската Унија (ЕУ), бидејќи нејзиниот сосед, како што нагласи албанскиот премир, Еди Рама, продолжува да се соочува со бугарско вето. Тој, во говор во Тирана, рече оти не е оптимист дека Софија би можела наскоро да го тргне ветото за Скопје. „Албанија не може повеќе да чека додека двата соседа не ја решат својата кавга“, рече Рама, додавајќи дека Албанија има добри односи со двете држави. Нашиот политички курс по ова прашање, рече тој, целосно ќе се промени. Рама ги даде овие коментари при…

Најмалку 5.000 цивили загинаа во руските бомбардирања во југоисточниот украински град Мариупол, изјави градоначалникот Вадим Бојченко за време на тркалезната маса што се емитуваше денеска во живо на Фејсбук. „Се проценува дека меѓу загинатите има најмалку 210 деца“, истакна градоначалникот на Мариупол. Бојченко го опиша уништувањето во Мариупол, раскажувајќи ужасни детали за нападите, односно дека намерно била нападната детска болница во градот, дека театарот е намерно уништен и покрај поставените натписи „Деца“ на паркинзите на театарот. Во зградата биле засолнати повеќе од 900 луѓе. „Тоа се само неколку примери за намерно уништување на цивилното население на Мариупол“, додаде градоначалникот.

Ако цела Европа се откаже од рускиот гас, тогаш Русија ќе го продаде на други земји, изјави портпаролот на Кремљ, Дмитриј Песков во интервју за францускиот телевизиски канал ЛЦИ. Тој нагласи дека „Русија со децении живее добро под санкции“. „Навикнати сме на тоа. Што се однесува до гасот, ќе се обидеме да го извеземе во други земји. На многу луѓе им треба гас“, истакна Песков.

Судијата на претходна постапка при Основниот кривичен суд – Скопје делумно го прифати предлогот на Основното јавно обвинителство за гонење на организиран криминал и корупција по предметот за злоупотреба на положбата и овластувањата при реализација на договорот за реконструкција на фасадата на Владата како дел од проектот „Скопје 2014“ и на првоосомничениот му определи мерка притвор во траење од 30 дена, додека на второосомничениот му определи мерка куќен притвор, информираа вечерва од ОЈО. „Предметниот обвинител за останатите двајца осомничени до судијата на претходна постапка достави предлог на мерки за обезбедување присуство за кои Судот ќе одлучува во редовна постапка. Воедно,…

Пентагон потврди дека САД обучуваат украински воен персонал за ракување со „Свичблејд“, оперативен тактички систем што испушта дронови со експлозив.   „Во консултации со Украинците се согласивме дека „Свичблејд“ има такви способности што тие можат да ги употребат. Не е сложен систем да се научи да се ракува и да се употребува ефективно. И оваа обука не е се само за еднаш“, изјави на денешниот брифинг Џон Кирби, портпарол на Пентагон.   Американскиот министер за одбрана, Лојд Остин, на сослушување во Конгресот вчера изјави дека САД обучуваат украински војници како да ракуваат со напредно оружје.  „Секако, тие треба да поминат низ…

Повеќе луѓе загинаа откако три ракети погодија железничка станица во источна Украина, оштетувајќи згради и шини, соопшти денеска Државната украинска железница. Во соопштението не се наведени детали за бројот на жртвите, ниту за локацијата на нападот. „Најмалку четири лица загинаа денеска во руски артилериски напад, а уште толку се повредени на пункт за дистрибуција на хуманитарна помош додека руските војници бомбардираа градови и железничка инфраструктура во источниот дел на Украина“, соопштија локалните власти.

Украинска база за складирање на гориво во регионот на Харков е уништена од руски ракети, соопшти денеска руското Министерство за одбрана. „Руските сили уништија и дел од украинската воена опрема и странско оружје на железничката станица во истиот регион“, наведува Министерството. Руската армија синоќа изврши неколку воздушни напади врз областа Дњепропетровск и погоди складиште за нафта и фабрика, објави на Телеграм шефот на регионалната воена управа на Дњепропетровск, Валентин Резниченко, пренесе „Би-Би-Си“.

По нова, повисока, цена од денеска албанските граѓани купуваат неколку основни прехранбени продукти. Според одлуката на подвладиниот Одбор за транспарентност, нови цени имаат маслото за јадење, шеќерот, брашното и оризот. „Врз основа на одлуката, цената на литар масло за јадење сега изнесува 321 лека или 2,6 евра, килограм шеќер е 123 леки, килограм ориз е 104 леки и килограм брашно 90,5 леки“, пренесува „Ора њуз“. За сите оние трговци на големо кои нема да ги почитуваат определените цени од Одборот следува парична казна од 10 милиони леки, за трговците на мало 2 милиони леки. „Доколку се утврди повторено прекршување на одлуката,…

Русија ги предупреди земјите-членки на Обединетите Нации (ОН) дека доколку гласаат „за“ или бидат воздржани во врска со барањето на САД за нејзина суспензија од Советот за човекови права, таа ќе го смета за „непријателски гест“ што ќе има последици за нивните билатерални односи, се вели во нотата во која увид денеска имале некои западни медиуми. Соединетите Американски Држави во понеделникот објавија дека ќе побараат Русија да биде суспендирана од Советот за човекови права на ОН, откако Украина ги обвини руските војници за убиство на стотици цивили во Буча. Генералното собрание на ОН, кое има 193 членки, утре ќе гласа…

Во текот на 2022 година сериозно ќе биде нарушена работата на правосудниот систем, бидејќи на голем број судии и јавни обвинители им завршуваат функциите, а Академијата за судии и јавни обвинители нема доволно капацитет да го надомести тој број, изјави народниот правобранител Насер Зибери во интервју за „Топ тема“ на ТВ Телма. „Меѓу првите жртви ќе бидат токму постапките кои се итни и за кои треба брзо да се реагира. Но, за жал ситуацијата е таква и мислам дека многу брзо треба да се реагира“, изјави Зибери. Тој нагласи дека Академијата за судии и јавни обвинители мора да има поголем…