Author: Sashko

Посакувам 2022 година да биде среќна и бериќетна за сите, да преовладува љубовта и разбирањето меѓу луѓето. Годината што ја оставаме зад нас, ни донесе многу предизвици кои ги надминавме со меѓусебна поддршка, напиша на својот профил фејсбук, министерот за економија, Крешник Бектеши. Тој истакнува дека следната година ќе биде година на економското закрепнување по сите удари и негативни последици кои ги предизвика пандемијата на ковид-19. „Се надевам дека следната година ќе биде година на економско закрепнување после сите удари и негативни последици кои ги предизвика пандемијата на ковид-19, овој невидлив непријател кој сè уште е присутен и опасен. Со…

Генералниот секретар на Светска здравствена организација (СЗО), Тедрос Аданом Гебрејесус во новогодишната порака изрази надеж дека е можно да заврши пандемијата со ковид-19 во 2022 година. Тој истакна дека светот има „алатки за завршување на пандемијата“ и покрај тоа што бројките на новозаразени лица во светот уриваат рекорди. Гебрејесус во објавата на Линкедин предупреди и дека пандемијата подолго ќе трае, ако продолжи нееднаквоста. Две години по почетокот на пандемијата, алатките на располагање за борба против ковид-19 сè уште се нерамномерно распределени низ светот. Во Африка, три од четири здравствени работници не се вакцинирани, додека луѓето во Европа и САД примаат…

Новата 2022 година е дочекана во Кина, во Монголија, во Малезија, во западните делови на Австралија, во Иркутската временска зона во Русија и на Филипините. Во новата година претходно влегоа истокот на Русија, Јапонија и Северна и Јужна Кореја. Новата година пристигна и во делот на Русија кој припаѓа на Владивосточката временска зона, во која спаѓаат и Владивосток и Хабаровск, најголемите градови на рускиот исток, пренесува „Спутник“. Во 2022 година е, исто така, и покраината Камчатка која е девет часа пред Москва. Новата година ја дочекаа и граѓаните на Русија кои живеат во Магаданската временска зона, односно градовите Магадан и…

Времето утре ќе биде сончево со мала до умерена локална облачност. Попладне ќе има зголемување на облачноста, особено во североисточните делови. Ќе дува слаб до умерен, а попладне, вдолж Повардарието, засилен ветар од северен правец. Минималната температура ќе биде во интервал од 0 до 6 степени, а максималната од 12 до 18 степени. Во Скопје, сончево со мала, а попладне умерена облачност. Ќе дува слаб до умерен северен ветар. Минималната температура ќе се спушти до 1 степен, а максималната ќе достигне до 14 степени. До вторник ќе се задржи стабилно и релативно топло време. Во среда попладне и во четврток…

Фудбалскиот клуб АС Пире од Тахити ќе настапи на Светското клупско првенство во февруари, како замена за новозеландскиот шампион Оукленд кој, поради пандемијата со коронавирус и задолжителниот карантин што го пропишуваат властите во Нов Зеланд, го откажа настапот. Оукленд и минатата година не настапи на Светското клупско првенство поради коронавирусот и строгите гранични рестрикции во Нов Зеланд. Со тоа егзотичниот АС Пире се најде во друштво на европскиот шампион Челзи, освојувачот на Копа Либертадорес, Палмеирас, азискиот првак Ал Хилал, африканскиот шампион Ал Ахли, мексиканскиот Монтереј и Ал Џазира од Обединетите Арапски Емирати, во чија организација ќе се одржи Светското клупско…

Сообраќајот на патот Дебар – Маврово, кај местото викано Утока, е целосно во прекин од 15:20 часот, поради одрон на патот, информира Автосојузот на Македонија.

Зуди Енузи Кока е назначен за в.д. директор на ЈП „Комунална хигиена“, информираат од Град Скопје. Тој е дипломиран правник и докажан менаџер во деловниот свет, кој своите компетенции ќе ги стави во функција на успешно водење на ЈП „Комунална Хигиена“ – Скопје, информираат од Град Скопје. Претходен директор на претпријатието беше Абдусамед Шабани. Досега Град Скопје ги промени директорите на „Дрисла“, на „Лајка“, на „ЈСП Скопје“, на „Улици и патишта“, на „Зоолошката градина Скопје“ и на „Паркови и зеленило“.

Одделот за сузбивање на организиран и сериозен криминал поднесе кривична пријава против З.П. (41) од Скопје, поради постоење основи на сомнение за сторено кривично дело „злоупотреба на службена положба и овластување“, информираат од МВР. „Пријавениот, во својство на овластено лице – директор на Агенција за храна и ветеринарство, во 2016 година ја злоупотребил службената положба и овластувања, така што постапил спротивно на Законот за јавни набавки со што го оштетил Буџетот на Република Северна Македонија во вкупен износ од 4.386.033 милиони денари“, велат од МВР и додаваат дека притоа овозможил противправна имотна корист во износ од 7.534.497 милиони денари на…

Во изминатите 24 часа се направени 5.990 тестирања, а регистрирани се 542 нови случаи на ковид-19. Регистрирани сe 298 оздравени пациенти, а има седум починати лица, сите во болнички услови, соопшти Министерството за здравство (МЗ). Од регистрираните 542 нови случаи на ковид-19, најмногу се во Скопје – 280, Битола – 52, Охрид – 32, Кавадарци – 31, Прилеп – 28, Струмица – 20, Куманово – 13, Гевгелија – 11, Кичево – 9, Штип и Ресен – по 8, Валандово – 7, Велес – 6, Струга и Неготино – по 5, Тетово и Радовиш – по 4, Кочани – 3, Крива…

На нешто помалку од 10 часа до влез во новата 2022 година, се огласи премиерот Зоран Заев кој преку својот Фејсбук профил испрати честитка до граѓаните во која најпрво изразува благодарност за дадената доверба, а потоа им посака многу здравје, среќа и радост, како и многу остварувања и достигнувања. Почитувани мои сограѓани, на крајот од 2021 година и пред почетокот на идната, сакам да уште еднаш да ви испратам најубави желби и да се заблагодарам за довербата што ми беше дадена. Јас верувам дека лидерството треба да произлегува од довербата, а не од силата. Останувам непоколебливо уверен дека заедно со…

Скопската полиција во изминатите 12 месеци приведе, речиси, 300 криминалци за кои претходно биле распишани потерници. Според податоци на Министерството за внатрешни работи (МВР), во текот на 2021 година, од oрганизациските единици во рамки на СВР Скопје и Оперативниот тим -потраги се преземаа низа мерки и активности при што редовно се прибирале сознанија за лица кои се предмет на истражна дејност по наредби добиени од Основниот кривичен суд Скопје, Основно јавно обвинителство Скопје, Основно јавно обвинителство за гонење организиран криминал и корупција Скопје, КПУ „Идризово“, КПУ „Скопје“ и др. Предмет на потрага беа лица за кои се распишувани национални и…

Воздухот во Скопје во зима е секогаш загаден од истите причини: неконтролирано загадување од индустријата, домаќинства што се греат на несоодветен огрев и голем број на стари автомобили. Секако, секој извор придонесува за различно количество на загадување на воздухот, а поради ладното време, настанува температурна инверзија која не дозволува загадувањето што се создава во градот, да го напушти истиот. Нова ТВ направи интервју на оваа тема со Горјан Јовановски, советник во Советот на Град Скопје, од граѓанската иницијатива „Зелен хуман град“ (ЗХГ) и креатор на апликации „Мој воздух“. Нова ТВ: Дали пиковите кои се појавуваат деновиве со што избивме повторно…