Новата 2022 година е дочекана во Кина, во Монголија, во Малезија, во западните делови на Австралија, во Иркутската временска зона во Русија и на Филипините. Во новата година претходно влегоа истокот на Русија, Јапонија и Северна и Јужна Кореја.
Новата година пристигна и во делот на Русија кој припаѓа на Владивосточката временска зона, во која спаѓаат и Владивосток и Хабаровск, најголемите градови на рускиот исток, пренесува „Спутник“. Во 2022 година е, исто така, и покраината Камчатка која е девет часа пред Москва.
Новата година ја дочекаа и граѓаните на Русија кои живеат во Магаданската временска зона, односно градовите Магадан и Јужно Сахалинск, како и островите во Океанија – Фиџи, Тувалу и Кирибати, додава „Гардијан“.
Први во 2022 година влегоа жителите на малите пацифички острови Самоа и Кирибати, а по нив и граѓаните на Нов Зеланд.
Австралија се збогува со 2021 година со величествен огномет над пристаништето во Сиднеј.
Огномет во Лондон, настапи на Елтон Џон и Дуа Липа во новогодишната ноќ
Новогодишен огномет во Лондон, за кој првично беше речено дека е откажан поради ковид-19, сепак ќе биде приреден во настапи во живо на познати музички имиња, објави „Сан“.
Веста е лиферувана на само неколку часа пред новата година, а британскиот таблоид пишува дека за првпат ќе биде проследен со настап во живо на познати музичари меѓу кои се Елтон Џон и Дуа Липа.
Новогодишната манифестација во Лондон во октомври официјално беше укината по вторпат во низа поради состојбата со ковид-19, меѓутоа „Сан“ дознава дека градските власти ја преиначиле поради доминантниот омикрон сој, кој според првите податоци, не е толку опасен. Промената одлука, наведува „Сан“, се држела во тајност со цел помалку луѓе да присуствиуваат на новогодишниот огномет.