Колумбиските власти соопштија дека е спасен уште еден преживеан во авионската несреќа што се случи во централна Колумбија, при што се урна авион со 81 патник и членови на екипажот, меѓу кои се играчи на бразилскиот фудбалски клуб Шапикоенсе.
Бројот на преживеани засега е шестмина, од кои четвроица се фудбалери.
-Потврдено е спасувањето на шестиот преживеан, играчот Хелио Хармито Жампиер Нет, кој во моментов се евакуира. Не е исклучена можноста да бидат пронајдени уште преживеани, соопштија од колумбиската агенција за управување со ризици од катастрофа.
Претходно колумбиската полиција соопшти дека најмалку 76 луѓе загинаа во несреќата.
Исто така меѓу патниците имало и друг персонал на клубот и новинари кои требало да го следата вата финални натпревари од Копа Суд Американа што требало да се играат во градот Меделин.
Од петмината преживеани, тројца се членови на Шапокоенсе – дефанзивецот Алан Рушел и голманите Џексон Фолман и Данило успеале да го преживеат падот, како и еден од бразилските спортски новинари кои патувале заедно со клубот.
Фудбалскиот клуб требало да патува со друг лет, но биле принудени да го сменат авионот за да стигнат до Меделин, каде требало да играат меч против Атлетико Национал.
Аеродромот во Меделин на твитер профилот објави дека поради силен дожд запрени се сите операции за спасување и за потрага по евентуални преживеани на местото на несреќата.
Градоначалникот на градот Ла Цеха Елкин Оспин изјави дека најверојатно снемало гориво во авионот.