Најавениот нов систем за влез во Шенген зоната не значи враќање на визите, им порача еврокомесарот за миграција и внатрешни прашања Димитрис Аврамопулос на граѓаните од Западен Балкан.
-Западен Балкан е клучен регион и близок партнер на ЕУ. СИте наши намери се со цел зачувување на таа блискост и партнерство и поедноставување на движењето и контактите меѓу луѓето од ЕУ и Западен Балкан, вели Аврамопулос.
Тој потсети дека пред една година ЕК предложи воспоставување на Европски систем за одобрување на патувања и информации (ЕТИАС) за да се зајакнат европските капацитет во однос на безбедноста и миграциските ризици кои беа засновани на зголемениот број патници без визи.
Таа засилена безбедност, според него. Е за доброто на ЕУ и на земјите кои имаат безвизен режим за да се зачуваат реципрочните движења.
-ЕТИАС не е виза туку едноставен и евтин, за патниците погоден механизам кој се однесува на сите земји чии граѓани без визи патуваат во Шенгенскиот договор, вклучувајќи ги и САД и Канада, истакнува европскиот комесар за внатрешни прашања.
Димитрис Аврамопулос во својата порака до граѓаните од Западен Балкан истакнува дека новината е само еден мал процедурален чекор кој во огромен број случаи ќе го олесни патувањето во ЕУ, ќе ја зајакне заедничката безбеност притоа избегнувајќи ја бирократијата и задржувањата при влезот во ЕУ.