Уапсен триесет и девет годишен маж, кој направил импровизирано јаже од креветската постелнина во еден хотел во град во Западна Австралија, и се обидел да се симне на земја од четвртиот кат, сакајќи да го напушти карантинот, соопшти полицијата.Човекот допатувал од Бризбејн а потекнувал од Квинсленд но не ги исполнувал условите за да биде изземен од Ковид-протоколите за влез.
На човекот му било кажано да го напушти градот во рок од 48 часа при што бил испратен во карантин. Во вторникот наутро, тој бил фатен при обид за бегство и бил обвинет за непочитување на упатствата и давање лажни информации. Инаку, бил негативен на тестот за Ковид-19 кој му бил направен.
,,Храбриот обид за бегство“ се случува во време кога Австралија се бори да спречи локална епидемија на варијантата Делта, која почна да ја шири возач на екипаж на меѓународни авионски летови од Сиднеј. Австралија досега има вакцинирано целосно 11 одсто од населението а нејзините надворешни граници и натаму се затворени за неавстралијанците.