Во Австрија во саботата стапи на сила закон кој дозволува потпомогнато самоубиство, односно евтаназија, за возрасни лица кои се смртно болни или имаат некое трајно тешко заболување.
Парламентот го одобри новиот закон во декември, по одлуката на уставниот суд за ова прашање.
Потпомогнатото самоубиство ќе биде строго регулирано. Секој случај ќе го оценуваат двајца лекари, од кои едниот мора да биде експерт за палијативна медицина.
Владата, исто така, одвои средства за развој на палијативна нега за да се осигура дека никој не избира смрт ако има други опции.
Потпомогнатото самоубиство е легално и во соседна Швајцарија и неколку други европски земји, вклучувајќи ги Шпанија, Белгија и Холандија.
Активната помош при самоубиство останува забранета во Австрија, а новите правила експлицитно ги исклучуваат малолетниците и луѓето со ментални болести.
Возрасните кои сакаат да го завршат својот живот ќе треба да приложат дијагноза и да имаат потврда дека се способни сами да донесуваат одлуки.
Откако ќе бидат одобрение од двајца лекари, тие ќе треба да чекаат 12 недели за да размислат за својата одлука или две недели ако се смртно болни.
Доколку опстојат на својата одлука, ќе можат да добијат лекови за самоубиство во аптеките откако ќе го известат адвокатот или нотарот. Имињата на овие аптеки нема да ѝ бидат познати на јавноста.
Потпомогнатото самоубиство во Австрија досега беше казниво до пет години затвор.