Претседателскиот кабинет на Азербеjџaн, односно Советот на граѓански организации под негова капа, дава грантови за невладини организации во сферата на заштита на човековите права и слободи, промоција на граѓанскиот активизам, одржување на регионалниот мир и борбата против ксенофобијата.
Интересно е дека повикот се однесува во најголем дел на развиените западноевропски држави, како и САД, Швајцарија, Турција и Руската федерација. Па така, на овој повик можат да аплицираат и невладини органиации од Норвешка, Германија, Белгија, Австрија, Франција, Чешка итн.
Азербеjџан е држава која е остро критикувана од меѓународната заедница во однос на заштитата и промоцијата на човековите права и слободи, односно граѓански и политички права. По приклучувањето во Советот на Европа Азербеjџан под притисок ослободи 100 политички затвореници, но уште стотици останаа притворени и се уште се притвораат приврзаници на опозицијата, новинари и граѓански активисти без истрага и било какви докази.
Во однос на слободата на медиуми и изразување Азербеjџан од меѓународните организации кои вршат мониторинг се вбројува во неслободните земји. Освен што новинарит се затвораат за клевети во сомнителни или речиси никакви судски процеси, во последните пет години 3 новинари беа убиенти, а кога во 2005 беше убиен главниот уредник на критичниот весник Монитор, Елвар Хусеинов, органите не ги гонеа неговите убијци.
Јавни протести против претседателскиот режим не се толерираат и обично ваквите обиди завршуваат со многу повредени и затворени.
Судејќи по реакциите на некои медиуми во Азербеjџан, овој повик е во ред, според други, ова е врвна иронија. Ако се земе во предвид моменталната ситуација со граѓански и политички права и слободи во оваа држава, остануваат две можности кои го објаснуваат овој повик – желба за промена на политичкиот систем во Азербеjџан или едноставна “закачка” насочена кон оние кои ја критикуваат состојбата во земјата.