Роберт Бадинтер, францускиот политичар и правен експерт влегува во уметноста. Во Операта на Лион, ќе се постави операта „Клод“ за која поранешниот министер за правда го напиша либретото.
Операта „Клод“ е инспирирана од затворската драма на Виктор Иго, во која тој зборува за хомосексуалноста.
– Во срцето на оваа затворска трагедија, се наоѓа Клерво, затворот, кој како ѕвер ги меле луѓето, ги убива, објаснува Бадинтер, човекот кој успеа да ја укине смртната казна во Франција.
Осумдесет и пет годишниот Роберт Бадинтер успеа да го пренесе во форма на опера непознатиот роман на Виктор Иго „Клод Гео“. работник во свиларите во Лион. Уапсен на барикадите, во моментот кога протестираше против заменувањето на текстилните работници со англиски машини, Клод е осуден на повеќе години затвор. Тој се вљубува во еден друг затвореник, што ќе го одведе на гилотиња.
Бадинтер објаснува дека тој си зел за слобода да се оддалечи од текстот на романот на Виктор Иго, при што открил дека и самиот Иго се оддалечил силно од вистинскиот случај на Клод Гео, чие судско досие го нашол во судските архиви.
Поранешниот министер за правда и порано говорел против репресијата на хомосексуалноста, пишувајќи за оваа тема во тетарската претстава „Ц.3.3“ прикажана во театарот во 1995 година, во која се раскажува за животот на Оскар Вајлд, убиен поради неговата хомосексуалност од викторијанското општество.