Ова се двојките извлечени во Нион за четврт-финалето на Лигата на Шампионите:
Реал Мадрид – Галатасарај
Баерн Минхен – Јувентус
ПСЖ – Барселона
Малага – Борусија Дортмунд
После севкупните триумфи на Баерн Минхен и Малага во средата, тие им се приклучија на останатите тимови кој ќе се натпреваруваат за место во финалето на англиски Вембли во мај во Лигата на Шампионите.
Натпреварот на Алианц Арена помеѓу Баерн и Арсенал го претстави духот на УЕФА Лигата на Шампиони, со обидите на Арсенал да го врати резултатот после поразот на домашен терен од 3:1, со недоволна гостинска победа од 0:2.
Во другиот натпревар, Малага успеа да го надмине дефицитот од првиот натпревар од 1:0 против Порто. Со победата на фудбалерите на Мануел Пелегрини од 2:0 на домашен терен, го осигураа пласманот на три шпански екипи во четврт-финалето.
Од долгонајавуваниот „паркиран автобус на Милан“ од страна на нивните фанови, немаше полза. Барселона го совлада седумкратниот шампион на Европа со 4:0 на Ноу Камп.
Во севкупниот резултат помеѓу шкотскиот шампион Селтик, и италијанскиот шампион Јувентус, резултат изнесува 5:0, додека ПСЖ со вкупни 3:2 ја порази Валенсија.
Галатасарај, со своите доцни засилувања и поранешни освојувачи на трофејот, Снајдер и Дрогба, го порази Шалке со вкупни 4:3, а Борусија Дортмунд својот пласман го избори со победа од вкупни 5:2 против украински Шахтар.
Во судирот на гигантите Реал Мадрид и Манчестер Јунајтед, вкупниот резултат беше 3:2 за шпанскиот шампион.