Претставата „Сократова одбрана“ од Платон, во режија на Дритеро Касапи и Дино Мустафиќ, со Бајруш Мјаку во улогата на Сократ и со актерите Бесфорт Идризи и Ибрахим Џемаил, во продукција на „Театарот на еден актер“ од 22 до 26 т ќе учествува на фестивалот на монодрама „Света Муза“ по покана на Министерствомарто за култура на Монголија.
На фестивалот ќе учествуваат 10 претстави од Монголија и од други држави ширум светот. Учеството на овој фестивал се реализира со поддршка на министерството за култура на РМ.
Претставата „Сократова одбрана“ од Платон која ќе се изведе фестивалот на монодрама „Света Муза“ во Уланбатор, Монголија, премиерно беше изведена во февруари 2012 година во Скопје, досега има учествувано на повеќе меѓународни театарски фестивали.
Ова гостување е дел на прославата на 40-годишнината на професионалната театарска работа на актерот Бајруш Мјаку.
Во таа чест, ќе се изведе претставата „Народен непријател“ од Хенрик Ибзен во режија на Дино Мустафиќ. Во рамките на прославата ќе биде промовирана и книгата „Дневникот на дневникот на лудиот“ која е збир на впечатоци, записи и слики за претставата „Дневникот на лудиот“ – Гогољ и други прашања за и околу театарот како и лично видување на Бајруш Мјаку во врска со неговата монодрама „Дневникот на лудиот“ – Гогољ, која имаше премиера во 2001 година и од тогаш се одиграа преку 70 изведби ширум светот.
Воедно продукцијата Театарот на еден актер, прославува десет години од своето постоење.
На Меѓународниот фестивал на камерен театар „Ристо Шишков“ за 2012 од страна на асоцијацијата НЕТА, актерот Бајруш Мјаку ја доби наградата за најдобра улога.