Во Националната опера и балет денеска и утре ќе се изведе „Ана Каренина“, балетска претстава во два чина со одбрана музика од рускиот композитор Петар Илич Чајковски.
Кореографијата е на Лео Мујиќ од Хрватска, сценографијата е на Александар Ношпал.
– Во повеќе од два часа, балетските уметници на Националната опера и балет, на чело со впечатливиот, емотивниот до исцрпување танц и инспиративните движења на Мими Поп Алексова Атанасовска како Ана Каренина, Никола Хаџитанев (Бугарија) како Вронски, Емил Јорданов (Бугарија) како гроф Каренин, ќе ги пренесат сите емоции кои го означуваат ова дело: љубов, страст, омраза, лутина, гнев, љубомора, тага, мајчинска болка, велат од НОБ.
Како дел од балетската претстава настапуваат истакнати солисти, солисти и целиот балетски ансамбл на Националната опера и балет.