Да, сограѓаните Албанци „ЧМААТ СО НАС” затоа што ВМРО-ДПМНЕ е паметно само за себе кога нејќе во ЕУ, а во јавност божем трперливо се колеба, приговарајќи дека не чинело што и да имаше на маса – но истото е енормно глупо за сите нас, како граѓани, како народ.
Емилија Целакоска
Ќе честитам денес за Климент Просветител со рендање на денешни антипросветителски потрчковци на ВМРО-ДПМНЕ, кои не заслужуваат поединечно внимание, затоа што дејствуваат како банда.
Бандата лае за кој бил асли учен – некои од нив, па, се научиле импакти да споменуваат, небаре абер имаат што е тоа. Некои се фатиле за облеката (сериозно!), а некои со плукање врз УКИМ (бил пред Бит – пазар!) заборавајќи дека правеле емисија на УКИМ со шефот им заедно, којшто е избран во звање на истиот УКИМ. Настрана што срце им се кине што дирекчево од АНБ е толку баксузно, аљкаво и неспособно што не знае ни уверлив фалсификат да си направи за себе од ученост голема. За него – мукла.
Така ја бранат глупавоста (или безобразието) на оваа власт од ЕДНА професорка, д-р Ана Чупеска, редовен професор, со куп меѓународни рецензии (ако знаат да ја отворат страната на УКИМ), која со три збора им ја боде вистината како колец во срцето, не ним лично, се разбира, туку на владината тупавост.
Што мислите, Албанците ќе чмаат тука со нас…?
Точно „чмаат со нас” има страници и часови содржина, односно само професор од голем калибар може олку кратко и јасно:
– и да го стави на видело владиниот неразум (за ЕУ),
– и да опомене,
– и да ја адресира владината неодговорност.
Како просветител со моќ да продре со мислата меѓу маса непросветени (и да им имплантира специфично дизајнирана болва што ги чеша – додека да се просветлат!) е причината што е мета на приговарања за секакви површности, само не за содржината на она што им направи осип. Оти оние кои би морале да имаат одговорност – се опоменати со вистината.
Да, сограѓаните Албанци „ЧМААТ СО НАС” затоа што ВМРО-ДПМНЕ е паметно само за себе кога нејќе во ЕУ, а во јавност божем трперливо се колеба, приговарајќи дека не чинело што и да имаше на маса – но истото е енормно глупо за сите нас, како граѓани, како народ.
Од Фејсбук ѕидот на авторката