Бразилецот Филипе Кутињо ќе оди на едногодишна позајмица во Баерн Минхен, потврди шпанскиот фудбалски гигант, Барселона. Баварците на крајот на сезоната ќе имаат право на откуп на договорот, но финансиски детали од склучената соработка меѓу Каталонците и Баварцоте не се објавени.
Шпанските медиуми претходно шпекулираа дека на „Камп Ноу“ подготвуваат понуда за ПСЖ во која беше вклучен Кутињо и уште двајца играчи за Нејмар, но размената не се реализира. Репрезентативецот на „кариоките“ беше ангажиран како големо засилување за Барселона од Ливерпул во 2014 година за сума од 142 милиони евра.
Долго време се мачеше да се вклопи во системот на Каталонците, не ги даде очекуваните резултати и честопати беше критикуван иако постигна 21 гол на 76 меча. Во текот на овој преоден рок имаше најави за негов можен кам-бек во Премиерлигата. Интерес пројавија Тотенхем и Арсенал, но, сепак, се откажаа од намерата.
Кутињо не беше во комбинација за синоќешниот меч против Атлетик во Билбао, воведен од новата сезона во шпанска Примера, што Барселона го доби со 1:0.