Триесетгодишната Јулија Скубенко барајќи сместување во Велика Британија како бегалец од налетот на воениот виор во сопствената земја, Украина, се соочила со непристојни понуди од мажи кои за кусо време и го преплавиле нејзиното сандаче на фејсбук.
Нејзината молба до британската јавност била очајна , барала да и обезбедат безбедно засолниште но наместо тоа била дочекана со низа непријатни одговори и предлози претежно од мажи.
Јулија водела успешна компанија за чистење во Киев и во објавата за сопственото искуство со барањето сместување, напишала потресна информација во која се обраќа на група од 18 000 илјади луѓе на социјалните мрежи.
Покрај фотографијата на која се насмевнува, бизнисменката објаснила дека никогаш не очекувала дека ќе биде „присилена да се пресели во Англија“.
Но, очајната Украинка признала дека сега „мора да почне од почеток“, уверувајќи ги потенцијалните домаќини дека ќе „застане на нозе“ што е можно побрзо.
Јулија, која се преселила во главниот град на нејзината земја разурната од војна од сиромашно село, додала линкови до нејзините профили на социјалните мрежи, како и нејзиниот мобилен број.
Сепак, нејзината искрена молба била оневозможена од голем број самци кои и понудиле соба – а некои ја замолиле за „брак“.
Таа за Дејли Мејл изјавила дека го известила еден маж дека ја интересираат само домови со други жени кои живеат таму – кога тој дури и вознемирувачки јасно и ги кажал своите задни намери.
Јулија тврди дека тој одговорил: „ Штета, можевме да основаме семејство“.
Друг „натрапник“ се пофалил дека поседува нафтена компанија и банка пред да и понуди да ја вработи како негов „асистент“.
30-годишната девојка вели дека се борела да верува дека мажите „пишуваат од сочувство“ но и дека е загрижена од можноста Украинките да бидат искористени бидејќи немаат друга опција.
Јулија рече: „Загрижена сум за девојките од мојата земја“.
Но на крајот, таа конечно пронашла нормална личност која не го злоупотребувала моментот, но откако поминала низ огромниот наплив на чудни и несвојствени пораки споредбено со содржината на нејзината објава.
Таа стравува дека визната шема на британската влада би можела да стане „Тinder за сексуалните трговци“ и „Трговците со бело робје“.
Виш работник во советот открил, пишува „Сан“ дека повеќе од ¼ од 40-те совпаѓања што се усвоени од Министерството за внатрешни работи се мажи на возраст над 50 години и жени во дваесеттите или раните триесетти години.
„Свиркач“ изразил загриженост дека недостатокот на заштитни мерки може да резултира со „масовни случаи на злоупотреба“ на жените бегалци од Украина.
Се смета дека околу 1.000 бегалци биле спарени според комплицираната шема на Владата „Домови за Украина“, од одделот за израмнување управуван од Мајкл Гов.
Но, Лабуристката Лиза Нанди, остро ја критикувала експлоататорската поставеност на системот.
Таа рече: „Мајкл Гов создаде Тиндер за бегалци, барајќи од очајните луѓе да „повлечат надесно“ за да најдат засолниште.
„Ова е сериозна хуманитарна криза, а не онлајн запознавање. Владата треба да преземе одговорност, рече таа.
Добротворните организации велат дека доцнењата и купиштата документи што ги бараат Британците, овие луѓе ги носат право во рацете на криминалците.