Шестчленото семејство Бекамови е пред селидба. Англиската фудбалска и модна икона и неговата сопруга Викторија решија и каде. Остануваат во Лос Анџелес, но вилата ја заменуваат со резиденција што, според извор близок на семејството, е веќе завршена работа. Огромниот имот што го пикираа е во сопственост на Петра Еклстон и нејзиниот партнер Дејвид Стант, има 14 спални соби, 27 тоалети и бањи и се проценува на 185 милиони фунти.
Британските медиуми веќе пишуваа дека Дејвид Бекам и Викторија интензивно трагаат по ново живеалиште во Калифорнија бидејќи вилата што досега ја поседуваа во Лос Aнџелес им станала тесна. Се протега на површина од 1.200 квадратни метри и во неа се вселија во јуни во 2007 година. Поради плановите за селење и желбата за нов и поголем дом, лани ја огласија на продажба за, речиси, двојно поголема цена. Најголемите забелешки, наводно, се однесуваат што нема фудбалско игралиште.
Прв станар во новата вила на Бекамови, според пишувања на медиумите, била Кенди Спелинг, вдовица на славниот холивудски продуцент Арон Спелинг. Изградена е во осумдесетите години на минатиот век, а Петра Еклстон ја купи во 2011 година за 67 милиони фунти.
Резиденцијалниот објект има 110 простории, меѓу нив и веќе споменатите спални, тоалети и бањи, куглана, берберница, кино, винска визба, теретана, солариум, соба за пакување на подароци. Надградена е со фризерски салон и салон за масажа, музеј за кукли, паркинг за 100 автомобили. Во дворот има базен, тениско игралиште и мини игралиште за фудбал.
По вселувањето на славното семејство е најавено правење на модна патека за промоција на креациите на Викторија и музичко студио за Круз, најмалиот од тројцата синови на Бекамови покрај кои ја имаат и петгодишна ќеркичка.