Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Бектеши: 2022-ра ќе биде година на економско заздравување и забрзување на растот преку инвестиции

0
By Ivana on November 17, 2021 ЕКОНОМИЈА
СПОДЕЛИ
Facebook Twitter LinkedIn Email
Published: Wednesday, November 17, 2021 11:42

Буџетот на Министерството за економија за 2022 година е предвидено да изнесува 1,24 милијарди денари од кои 151 милиони денари се предвидени за плати и надоместоци на вработените, 733 милиони денари за капитални расходи, што е за скоро четири пати повеќе споредено со 2021 година,  а 214 милиони денари за субвенции.

Со предложениот буџет за 2022 година, како што истакна министерот за економија Крешник Бектеши на денешната прес-конференција во Владата, се обезбедува поддршка и развој на малите и средни претпријатија, подобрување на деловната клима и зголемување на конкурентноста, поддршка и развој на енергетиката, поддршка на туризмот и угостителството, раст на инвестициите во енергетскиот сектор, зголемување на користењето на природниот гас и искористување на сончевата енергија во домаќинствата.

-Од вториот квартал годинава нашата економија оди во нагорен правец, а следната година ќе биде година на економско заздравување и забрзување на растот преку инвестиции. Предвидено да се реализираат сите програми и мерки на Министерството за економија за што се предвидени дополнителни средства. Во програмата за промоција на обновливите извори на енергија и поттикнување на енергетската ефикасност за 2022 година предвидени се субвенции за граѓаните во вкупна вредност од 80 милиони денари, што е за 30 милиони денари повеќе споредено со средствата предвидени  во 2021 година, рече Бектеши.

И оваа година, додаде, Министерството за економија ќе покрива дел од трошоците за купени и вградени сончеви термални колектори во домаќинствата, за замена на ПВЦ или алуминиумски прозорци и за купување на печки на пелети.

-Дополнителни средства оваа година се наменети и за финансиска поддршка за производство на електрична енергија од повластени производители кои користат премија со оглед на фактот што  забрзано се градат фотвоплтаичните централи на приватно земјиште за што во изминатите две години беа објавени два огласи од страна на Министерството за економија, а дел од нив се веќе и пуштени во употреба, појасни Бектеши.

Во делот на активностите за финансиска поддршка на туризмот во 2022 година, како што кажа, фокусот на Министерството ќе биде поддршка на домашниот туризам.

-За развојот на туризмот и промоција на земјава на светската туристичка мапа и поддршка на домашниот туризам следната година се предвидени 38,5 милиони денари. Продолжуваме континуирано со мерките за поддршка на домашен туризам за работници со ниски приходи, субвенции за туристички цели на селски домаќинства, поддршка на активен туризам и субвенции за дигитализација на туристичкиот сектор, рече Бектеши.

За следната година, потенцира, тројно е зголемен буџетот за субвенции за приватни претпријатија за што се предвидени 20,8 милиони денари од кои  девет милиони денари се предвидени за имплементација на активности за паметна специјализација што е обврска од извештајот на ЕК.

-Во 2022 година зголемен е и буџетот за поддршка на претприемништвото, за што се предвидени вкупно 62,3 милиони денари, додека во 2020 година за оваа намена  беа предвидени 50 милиони денари, рече Бектеши.

И во наредната година, како што кажа, ќе биде обезбедена финансиска поддршка за мерки за поддршка на претприемништвото и мали и средни претпријатија и за кофинансирање на проекти за занаетчиски комори и развој и промоција за занаетчиството.

-Со цел за зголемување на безбедноста во сообраќајот на патиштата, како и намалување на загадувањето на воздухот што е еден од нашите приоритети и оваа година продолжуваме со мерката за субвенции за вградување  на уред на погон на ТНГ метан или друг вид на алтернативно гориво во возилата. За оваа мерка се предвидени 11 милиони денари, нагласи Бектеши.

За следната година, додаде, е предвидено  неколкукратно зголемување на средствата во Буџетот во делот на гасификацијата, односно за реализација на капитални инвестиции.

-Во Буџетот на Министерството за економија за 2022 година за изградба на гасоводната мрежа се предвидени 625 милиони денари, средства кои што АД НЕР планира да ги обезбеди преку емисија на хартии од вредност по пат на приватна понуда. Ова е неколкукратно зголемување споредено со минатата година кога за оваа намена беа одвоени 140 милиони денари, посочи Бектеши.

Со овие 625 милиони денари, како што нагласи, предвидено е да се реализира проектот за гасификација на земјава – фаза 1, да се пуштат во употреба делниците Клечовце-Неготино, Неготино-Битола и  Скопје-Тетово-Гостивар, а  наскоро треба да почне и изградбата на интерконективниот гасовод со Грција

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.