Само во последните 24 дена имаме 1400 тони увезено масло за јадење, има доволни количини на основни прехранбени производи. Ние како Влада ќе дозволиме извоз, цената на извозот влијае на намалувањето на цените на домашниот пазар„ ова го истакна министерот за економија Крешник Бектеши на форумот организирана за „100-те дена“ на Владата.
Toj истакна дека кризата кај нас е увезена од странство, но сепак се преземени мерки за заштита на стандардот на граѓаните и сите овие мерки ги дадоа вистинските резултати.
Министерот Бектеши нагласи и дека секогаш има деструктивни страни кои сакаат вештачки да ја продлабочат кризата. Министерот додаде дека некои општини, кршејќи го законот за енергетика и други закони, основаат јавни претпријатија каде јавното осветлување и другите објекти кои се на слободниот пазар го пренасочуваат кон регулиран пазар.
-Сакам да истакнам едно многу важно прашање, имајќи предвид дека справувањето со енергетската криза иако е увезена во Северна Македонија секогаш има деструктивни страни кои сакаат вештачки да ја продлабочат оваа криза. Имаме случаи изминативе денови некои општини го прекршуваат Законот за енергетика и други закони, како неможност да управуваат со општините, создаваат јавни претпријатија, каде јавното осветлување и другите објекти кои се на слободниот пазар се прераспределуваат на регулираниот пазар. Тоа значи дека од јануари до крајот на јуни општините сакаат да направат вештачки проблем во регулирањето на цената што ќе биде на грбот на граѓаните, конкретно на домаќинствата кои се на регулираниот пазар. Зборуваме за трошење над 50 милиони евра што ги создаваат на овој начин за да се создаде ваква криза. Тоа значи огромни трошоци за нашите семејства, за семејствата, за нашите граѓани. Но, ние сепак сме подготвени и нема да го дозволиме ова, рече министерот за економија, Крешник Бектеши на трибината организирана за 100-тиот ден од Владата.
Министерот Бектеши, меѓу другото, истакна дека со новиот модел на тарифи за утврдување на цените ќе се дефинира нов блок каде што ќе штитиме, а категориите со социјален ризик ќе плаќаат пониска цена, додека оние кои се обидуваат да го злоупотребат системот и со тоа да профитираат и сето тоа оди на сметка на граѓаните и над нивниот стандард нема да дозволиме. Дополнително, на заинтересираните ќе им дозволиме да произведуваат енергија.
-Континуирано ја следиме состојбата и ги поканувам особено оние кои раководат со одредени општини и одредени бизниси кои сакаат да го направат тоа со институциите, да не го направи тоа, затоа што во еден момент јавно ќе покажеме кои општини сакаат да го злоупотребуваат системот на сметка на граѓаните за да не сносат никаква одговорност во справувањето со најголемата криза по Втората светска војна, рече Бектеши.