Белата куќа денеска го објави службениот портрет на првата дама на САД, Меланија Трамп.
Таа фотографија отсега ќе биде користена во службени прилики кога и да се зборува за првата дама на Америка.
Точната локација на која а фотографирана не е откриена, а не е познато ни кој е автор на портретот.
„Чест ми е да бидам во улога на прва дама и се радувам на соработката со американскиот народ во текот на годините“, изјави Меланија Трамп при претставување на портретот.
Таа нагласи дека за време на првиот мандат на својот сопруг ќе се концентрира на борба против сајбербулинг ( злоставување преку интернет).
На фотографијата Меланија носи црно сако, кое го украсила со црна марама и накит.
Позадината сугерира дека Меланија е фотографирана на слично место во Белата куќа како и една од некогашните први дами, Ненси Реган.
Она што на корисниците на социјалните мрежи веднаш им привлече внимание, беше прстенот од 25 карати на левата рака на Меланија, вреден три милиони долари.
Меланија Трамп е родена на 26 април 1970 во Ново Место во Словенија, а манекенската кариера ја направила во Милано, Париз и на крај во Њујорк.