Аукциската куќа „Нејт Д Сандерс“ на денешната аукција во Лос Анџелес, меѓу останатите предмети, на продажба ќе ја стави белата ракавица украсена со монистри која му припаѓаше на Мајкл Џексон, по цена од 75.000 долари.
Џексон, ракавицата во 1984 му ја подарил на уметникот и својот личен помошник, Пол Бедард, кој насликал бројни портрети на музички ѕвезди и историски личности, како Абрахам Линколн, Џорџ Вашингтон, Алберт Ајнштајн…За Џексон нацртал повеќе од 12 делови кои ја красат неговата куќа на имотот „Неверленд“. Бернард ракавицата во 2005 година ја продал на еден колекционер.
На аукцијата по фиксна цена од милион долари ќе се понуди и првиот објавен ракопис на Галилео Галилеј од 1595 година. Ракописот е означен со број еден и е еден од четирите примероци кои во последните 42 години се понудени на аукција. Италијанскиот математичар и филозоф на документот го забележал долгот кој му е платен на 13 април 1595 година, извести аукциската куќа.
Еден од интересните предмети кои се нудат е и писмо на Чарлс Дарвин од 1854 година, чија цена е 29.500 долари, како и уште повредното писмо со своерачен потпис на австрискиот психоаналитичар Зигмунд Фројд за 95.000 долари.