Белград: „Кога светлината ја украде сенката“ на Јулијана Маринковиќ и на српски јазик

Во издание на Македонскиот информативен центар во Република Србија, двојазично, на македонски и на српски јазик,  од печат излезе збирката поезија „Кога светлината ја украде сенката“ / „Кад је светлост украла сенку“, на еминентната македонска поетеса Јулијана Маринковиќ.

„Оваа книга не се чита само како поезија туку и како филозофски  трактат за вистината, животот, љубовта и смртта. Во поезијата на Маринковиќ, покрај другото, таа ни ги открива и ги брани не само духовните и интелектуалните слободи на човековата душа, туку ја покажа и универзалната убавина на поетскиот збор“, напиша критичарот, писателот, поет и издавач Христо Петрески за двојазичното издание „Кога светлината ја украде сенката“ на Јулијана Маринковиќ.