Студенти и граѓани повикаа на протест пред зградата на Ректоратот, откако претходно денес припадници на Управата на криминалистичката полиција упаднале во таа институција.
Непосредно пред почетокот на протестот дојде до интервенција на полицијата која ги оттурнуваше граѓаните, по што следуваа повеќе инциденти и физички судири меѓу полицијата и демонстрантите.
За време на полициската интервенција, полицијата оттурнуваше и новинарски екипи.
На уште еден судир кај Плоштадот полицијата употреби пендреци, граѓаните ги гаѓаа со земја.
Кај Народниот музеј повторно дојде до судир меѓу полицијата и граѓаните. Полицијата ги удираше присутните со пендреци, додека поединци од граѓаните ги гаѓаа со земја од жардиниери.
Никола Ристиќ, активист од групата „СвиЋе“, изјави дека ситуацијата е многу напната.
Дојдовме од правец на Светогорска и таму се чувствува напнатост. Сè е на работ на инцидент. Луѓето чувствуваат дека упадот во Ректоратот е преседан и дека, ако ова не го одбраниме, можеме да се збогуваме со каква било иднина, рече тој.
Ристиќ се надева дека студентите ќе застанат на чело на оваа иницијатива.
Никој друг во нашето општество нема легитимитет да ја поведе последната линија на одбрана, додаде тој.
Извор: ТВ N1.ср