Главната уредничка на независниот белоруски медиум TUT.BY, Марина Золотова е обвинета за затајување данок, соопшти медиумот, наведувајќи дека тоа е измислица во рамки на репресивната акција против медиумите.
– На Золотова и се заканува затвор од три до седум години доколку биде прогласена за виновна по сослушувањето зад затворени врати, соопшти TUT.BY.
Золотова е „обвинета за соучесништво во затајување данок од особено големи размери“, а властите досега не ги коментираа овие обвинувања.
Белоруските власти одзедоа акредитации на многу новинарски организации. Како што пренесуваат странските агенции, новинари наклонети на опозицијата се соочиле со рации, апсења, затвор или биле принудени да се преселат во странство.