Албанскиот премиер Сали Бериша по најавите на левичарската партија на Илир Мета дека ќе си замине од владината коалиција, изјави дека „тоа не значи дека владата ќе падне“.
Бериша најави дека ако од коалицијата си замине Движењето за социјалистичка интеграција, тогаш тој ќе ги повика Партијата за човекови права која во основа е партија на грчкото малцинство и Партијата за единство и демократија која е партија којашто се бори за правата на Чамите во Грција, со што ќе обезбеди 71 глас од вкупно 140 пратеници.
„Секоја партија има право да донесува свои одлуки“, додаде Бериша по најавите дека партијата на Мета, која е партија на левицата, си заминува од владината коалиција која започна да дејствува по парламентарните избори во 2009 година.
Тој вети дека неговата влада во јуни оваа година, ќе организира фер и демократски избори.