Поранешниот премиер на Италија Силвио Берлускони е осуден на една година затвор за банкарскиот скандал во 2005.
Поранешниот италијански премиер објавил снимена содржина на доверлив телефонски разговор.
Италијанското обвинителство во 2011 година поднесе обвинение против Берлускони по основ „прислушување на телефоните на членовите на опозициската левица“.
Содржината на телефонските разговори на крајот на 2005 ја објави весникот во сопственост на Берлускони, „Ilgiornale“.
Пресудата против италијанскиот медиумски магнат и бивш премиер доаѓа во време кога против него се водат два судски процеси – еден поради наводно затајување данок, а другиот поради плаќање сексуални услуги на мароканската проститутка Руби, која во времето на извршувањето на делото била малолетна.
Берлускони, кој од почетокот тврди дека е невин и негира каква било одговорност за скандалот, има право да поднесе жалба на пресудата. Тој, според италијанските закони, не може да почне да ја служи казната пред да бидат исцрпени сите правни можности, пренесува Ројтерс.