Од утре престануваат да важат мерките коишто Градот Скопје ги донесе за намалување на загадувањето на воздухот во главниот град, јави 21TV.
На брифингот со градоначалничката на Град Скопје, Данела Арсовска, денеска беше посочено дека досегашните мерки дале резултат и од утре ЈСП продолжува да вози по нормален возен ред и мерките ќе бидат укинати.
Дополнителни мерки, како што рече Арсовска, нема, бидејќи тие се лимитирани.
Арсовска најави повеќе вонредни инспекциски надзори во наредните два месеци.
– Сите индустриски капацитети ќе ги исконтролораме, ако имаат обврска да си стават филтри – ќе си стават, ако сакаат да загадуваат во континуитет – ќе бидат казнувани. Постапуваме и кај малите загадувачи, додаде Арсовска.
Градоначалничката најави и ригорозни казни за загадувачите информирајќи дека за два месеци расчистиле 120 диви депонии.