Бетмобил е е продаден за 4, 2 милиони долари

Оригиналниот модел на „Бетмобил“ од 1966 година е продаден на аукција за 4 милиони и 200 илијади долари.

Претставникот на акуцската куќа Берет-Џексон која ја организирала лицитацијата во Скотсдејл, Аризона, изјавил за агенцијата АП дека купецот, кој сакал да остане анонимен, е задоволен од исходот на аукцијата.

Познатото црно возило, долго околу 6 метри, се појавило во серијата „Бетмен“ која била емитувана на американските телевизии во периодот од 1966 до 1968 година, а потоа во филмот со Алан Вест во насловната улога на човекот-лилјак.

Возилото било засновано врз концептот на автомобилот марка „Линколн Футура“ и било опремено со „Бетфон“, со ласери и испуштало завеси од чад и дамки од бензин.