Дваесет македонски уметници ги изложат своите дела на десеттото Биенале на млади уметници, што, вечерва, во 20 часот, ќе биде отворено во Музејот на современата уметност.
Тие ќе се претстават со дела работени во различни медиуми: класични, инсталации, уметнички видеа и фотографии.
Темата на годинашната манифестација е „Солидарност, 50 години од катастрофалниот земјотрес во Скопје“, која го одбележува и раѓањето на идејата за отворање МСУ како светска солидарна акција.
На Биеналето свои дела ќе изложат Дарко Алексовски, Весна Аранѓеловиќ, Илина Арсова, Борче Богоевски, Кристина Божурска, Софија Грабулоска и Дарко Талески, Ана Иванова, Ѓорѓе Јовановиќ, Филип Јовановски, Ристо Јосифовски, Михаела Јовановска, Маја Кировска, Горан Менков, Александра Петрушевска, Кристина Пулејкова, Марија Сотировска, Маргарита Симовска, Славица Тошевска, Марко Манев и Андреа Шимбов
Музејот и годинава ќе додели награда за најуспешен автор, која се состои од самостојна изложба во Музејот.
Досега како најуспешни автори на биеналето, самостојни изложби во МСУ, добија Велимир Жерновски и Игор Јосифов.