Англија ја совлада Шкотска во фудбалската „битка за Британија“ на „Вембли“ во рамки на четвртото коло во квалификациите за СП 2018. „Островското дерби“, резултатски, им припадна на домашните, но играчки не дотолку како што отсликува конечниот резултат. И додека Шкотланѓаните ги промашуваа своите прилики, Англичаните ги реализираа своите и со трите гола, сите со глава, на Стариџ, Лалана и на Кејхил останаа на првото место на табелата во групата Ф.
https://www.youtube.com/watch?v=_rDSS-hg2SA
Словенија, потешко одошто се очекуваше, ги понесе трите бода од гостувањето на Малта. Вербич беше стрелец на единствениот гол за составот на Среќко Катанец во 47 минута. Словачка, во истата конкуренција, триумфира над Литванија со 4:0 со погодоците на Немец, Куцка, Шкртел и Хамшик.
https://www.youtube.com/watch?v=4odLAPBVyvI
Германија броеше до осум во Сан Марино, хет-трик на Гнабри
Германија немаше милост на гостувањето во Сан Марино. „Панцирите“ го совладаа аутсајдерот во групата Ц со 8:0. Серж Давид Гнабри од Вердер постигна хет-трик, Јонас Хектор од Келн беше двоен стрелец, по еднаш погодија Кедира, Фоланд и Стефанели кој ја затресе сопствената мрежа.
https://www.youtube.com/watch?v=hbTAK4dizs8
Северна Ирска, сега, е прва наредна на табелата по составот на Јоаким Лев. Островјаните, како домаќини. вечерва го совладаа Азербејан на Роберт Просинечки со 4:0. Чешка, пак, освои три бода во дуелот со Норвешка по триумфот со 2:1.
Црногорците водеа на полувреме во Ереван, Ерменците славеа на крајот
Црна Гора доживеа шокантен пораз во Ереван. Црногорците водеа со 0:2 по првото полувреме, но насмевките од паузата ги заменија со тага и разочарување на крајот. Ерменија успеа да направи целосен пресврт и со погодокот во судиското продолжение да сочува три бода. Стрелец на првиот гол за гостите беше вардаровиот фудбалер Дамир Којашевиќ, за домашните, поради повреда, не настапи Хофханес Хамбарѕумјан од редовите на македонскиот шампион.
https://www.youtube.com/watch?v=HrAnugggmN0
Квалификации за СП 2018
Резултати, 4. коло
Група А
Франција – Шведска 2:1 (0:0)
Табела: Франција 10, Шведска 7, Холандија 4 (-1), Бугарија 3(-1), Белорусија 2 (-1), Луксембург 1 (-1).
Група Ц
Чешка – Норвешка 2:1 (1:0)
Северна Ирска – Азербејџан 4:0 (2:0)
Сан Марино – Германија 0:8 (0:3)
Табела: Германија 12, Северна Ирска 7, Азербејџан 7, Чешка 5, Норвешка 3, Сан Марино 0.
Група Е
Романија – Полска 0:3 (0:1)
Данска – Казахстан 4:1 (2:1)
Ерменија – Црна Гора 3:2 (0:2)
Табела: Полска 10, Црна Гора 7, Данска 6, Романија 5, Ерменија 3, Казахстан 2.
Група Ф
Англија – Шкотска 3:0 (1:0)
Словачка – Литванија 4:0 (3:0)
Малта – Словенија 0:1 (0:0)
Табела: Англија 10, Словенија 8, Словачка 6, Литванија 5, Шкотска 4, Малта 0.