По прогласувањето на познатиот партизански филм „Битка за Неретва“ за хрватски а не југословенски, како што беше досега, не стивнуваат реакциите во Србија.
“Одлуката за нулта буџет за кинематографија на српското министерство за култура на некој начин создаде ситуација и повик за присвојување на филмското наследство, игнорирајќи ја потребата за поддршка на современото филмско творештво и негирање на идните филмови во Србија”, напиша познатиот српски режисер Дарко Бајиќ во текстот објавен во “Блиц”.
Бајиќ како претседател на управниот одбор на Филмскиот центар на Србија
смета дека игнорирањето и непочитувањето на филмската дејност од страна на власта, создава услови за заобиколување на Србија како филмски партнер.
“Затоа не е чудо што статусот на” Битката на Неретва”, во кој беа обединети сите финансиски и креативни потенцијали на филмот во Југославија, денес е променет само со една изјава на хрватскиот режисер Вељко Булаиќ и е претставен како филм продуциран само во една република на поранешната Југославија. Без оглед на копродукциската структура и буџет.
Најголемиот филмски воен спектакл во поранешна Југославија, “Битката на Неретва”, изминатите четири децении беше означуван како југословенски, но сега официјално и’ припаѓа на хрватската кинематографија, соопштија во петокот, “Јадран филм” и режисерот Булаиќ.
“Битката на Неретва” е снимен во 1969 година. и запаметен како еден од најскапите филмски проекти. Филмот имаше огромна публика – само во Југославија го гледале повеќе од четири милиони луѓе, а во светот околу 350 милиони гледачи.